Þverflauta

Í hugum margra er flautan tengd hirðingjum og goðsögnum frá ýmsum tímum. Elstu heimildir um notkun hennar eru frá því um 2 öldum fyrir Krist. Þverflautan hefur þróast mikið á síðustu 300 árum.  Flautan er um 67 cm löng. Flestar nemendaflautur eru úr sinki, kopar eða nikkel, margar að hluta til úr silfri eða silfurhúðaðar.

Nemendur sem hefja nám á þverflautu þurfa að vera orðnir 8 til 9 ára gamlir. Æskilegt er að þeir  hafi lokið forskólanámi. Þverflautunámið fer fram í einkatímum. Einnig höfum við verið með tilraunakennslu þar sem yngstu nemendurnir eru tveir og tveir saman í tímum og hefur það gefist vel. Nemendur spila eftir nótum og smám saman kynnast þeir  perlum tónbókmenntanna frá ólíkum tímum.

Nemendur þurfa að eiga sín eigin hljóðfæri.

Æskilegt er að foreldrar fylgist með tónlistarnámi barna sinna og sýni því áhuga. Nemendur sem komnir eru svolítið áleiðis eiga þess kost að vera í samspili.

Kennari: Ilka Maria Petrova Benkova