Nemendur í grunn- og miðstigi fá einn tíma á viku í tónfræði og tónheyrn. Nemendur í framhaldsstigi fá klukkustund í hljómfræði, tónheyrn og tónlistarsögu. Mælst er til að nemendur hefji tónfræði samhliða 5. bekk í grunnskóla.
Tónfræði: Í grunnnámi er kennd hefðbundin tónfræði byggð á Ópus tónfræðibókum I-III og Hlustun og greining – frá klassík til popps. Í miðnámi er stuðst við Ópus tónfræðibækur IV-V, Aagot verkefnahefti, Robert Starer hrynæfingar og Hlustun og greining – klassík, djass, rokk og heimstónlist.
Hljómfræði: Kennd er klassísk hljómfræði fyrir byrjendur. Námskeiðið varir tvo vetur. Kennslan felst í fyrirlestrum og æfingum sem að mestu leyti fara fram í kennslustund. Próf fara fram að vori.
Tónlistarsaga: Kennd er saga klassískrar tónlistar frá miðöldum til vorra tíma. Kennslan felst í fyrirlestrum sem sumpart eru haldnir af kennara og sumpart af nemendum. Jafnframt er hlustað á tóndæmi. Próf fara fram að vori.
Kennslutímar:
Fimmtudagar:
Tónfræði 1 kl. 15:00-15:55
Tónfræði 2 kl. 16:00-16:55
Tónfræði 3 kl. 17:00-17:55
Miðvikudagar:
Tónfræði 4 kl. 16:20-17:15
Tónfræði 5 kl. 17:20-18:15
Rakel Axelsdóttir, grunnnám – Tónfræði 1-3
Gunnar Karel Másson, miðnám og framhaldsnám